Policia e Kurbinit ka vënë në pranga një 40-vjeçar, që shantazhonte gruan se do ta vriste.
Në pranga ka rënë shtetasi Arben Oroshi. Ky i fundit kërcënonte gruan përmes telefonit se do e vrasë kur të vijë në banesë, në kohën që bashkëshortja e tij ishte në punë.
Në banesën e Oroshit janë gjetur edhe armë.
Njoftimi
Vihet në pranga 40-vjeçari.
Sekuestrohen një armë zjarri pistoletë me municion luftarak dhe 2 armë gjahu.
Shërbimet e Policisë Kurbin kanë marrë njoftim së në lagjen nr.6 Laç, Kurbin shtetasi A.O., ka kërcënuar se do të vriste bashkëshorten e tij shtetasen D.O., dhe që dyshohej se mbante armë në banesë, menjëherë kanë organizuar punën dhe kanë shkuar në adresën e dhënë.
Si rezultat i ndërhyrjes në kohë është bërë e mundur kapja dhe arrestimi në flagrancë i shtetasit A.O.,43 vjeç, banues në Laç, Kurbin.
Gjatë kontrollit të ushtruar në banesën e tij, shërbimet e Policisë gjetën dhe sekuestruan në cilësinë e provës materiale: një armë zjarri pistoletë me municion luftarak dhe 2 armë gjahu.
Matrerialet hetimore u referuan në Prokurorinë e Rrethit Gjyqësor Kurbin, për veprat penale” Mbajtja pa leje e armëve shpërthyese dhe municionit” , “Prodhimi e mbajtja pa leje e armëve të gjahut dhe sportive” dhe “Keqpërdorimi e i thirrjeve telefonike “.
