Urimi i deputetit socialist Bujra Çela me foton e diktatorit Enver Hoxha, ishte një skandal i madh gjatë ditës së sotme.
ndërkohë që kolegu i tij Denis deliu, i ka dalë në mbrojtje duke thënë që këtë mesazh nuk e ka bërë Çela, por dikush tjetër pasi vetë deputeti ka humbur telefonin.
“Të nderuar deputetë! Deputeti Bujar Çela ka humbur telefonin dhe dikush po e përdor. Lutem mos ju përgjigjeni telefonatave ose mesazheve sapo kompania përkatëse celulare ta bllokojë dhe t’i kthejë numrin zotit Çela”, shkruan Deliu.
Por pas këtij mesazhi ka raguar menjëherë deputeti demokrat, Ervin Salianji, i cili thotë se ajo që deputeti Çela bëri ishte një fyerje, ndërsa shton se deputetët e mazhorancës të distancohen dhe mos e mbrojnë.
“Mos e rëndoni pozitën tuaj dhe mos mbani qëndrime që tregojnë që si grup parlamentar keni të njëjtin qëndrim. Insistim i tij ishte kriminal, përçarës dhe i turpshëm. Mos tentoni të fyeni më tej jo vetëm këtë komision, por të gjithë qytetarët. Distancimi i menjëhershëm nga provokimi do të ishte minimalja si fillim, përjashtimi dhe distancimi nga akti i tij nuk e shpëton mendësinë e kësaj mazhorance, por së paku të tregoni që paska ndjeshmëri njerëzore tek disa prej jush, se tek drejtuesit tuaj vështirë se gjen”, shkroi Salianji.
