15-vjeçari shqiptar dhe banda e tij i drejtojnë pistoletën policëve për të bërë një video në ‘tik-Tok’

Për të postuar “arritjen” e tyre në Tik Tok, një grup 15-vjeçarësh kanë arritur deri në pikën që të vënë në shënjestër me pistoletë false një patrullë policie në Selanik.

Mbrëmjen e së shtunës rreth orës 22:30, 5 të mitur të moshës 15 vjeç, fillimisht iu afruan dy personave dhe i kërcënuan se do t’i grabisnin, pa bërë asgjë më shumë.

LEXO EDHE  FOTO/ Paloka: Rama shfaqet si legen para të fuqishmëve, bëhet arrogant me popullin e tij

Ngjarja në fjalë u denoncua në polici dhe menjëherë një patrullë shkoi në vendngjarje për të lokalizuar të rinjtë.

Por, atë moment një nga 15-vjeçarët i doli makinës së policisë para dhe i drejtoi pistoletën. Pas kësaj, efektivët e policisë zbritën nga makina dhe kapën 15-vjeçarët. Ndërkohë, sipas këtyre të fundit qëllimi i tyre ishte vetëm publikimi i videos në Tik Tok.