Kryetari i Bashkisë Shijak, Elton Arbana është shprehur se në kuadër të rindërtimit, në Shijak janë ndërtuar objekte arsimore me kushte që sipas tij, nuk i gjen as në Bashkimin Europian.
Në një emision televiziv, Arbana u shpreh:
“Unë në emër të qytetarëve të Shijakut dua të falënderoj qeverinë dhe kryeministrin Rama që në kohë rekord ka mbaruar procesin e rindërtimit në qytetin e Shijakut, sepse sot ne kemi 802 familje që kanë përfituar një banesë individuale falas dhe kanë kohë që e gëzojnë dhe jetojnë në ato banesa”, tha ai.
“Katër objekte arsimore me të gjithë kushtet që nuk i gjejmë as në Bashkimin Euripian dhe një kopsht që i ka pas munguar qytetit të Shijakut”, shtoi Arbana, i cili u vu në qendër të vëmendjes së opinionit publik dy vjet më parë, pas publikimit të bisedave të dosjes “339”. Në përgjime, ai i premton Astrit Avdylajt, që të ndërhyjë në anulimin e një gjobe nga IKMT Durrës.
