Një 24-vjeçar shqiptar ka gjetur vdekjen pas një aksidenti me BMW në Itali.
Aksidenti ka ndodhur mbrëmë pak para kryqëzimit për Castelbellino, ku shqiptari Florenc Kasa ka humbur kontrollin e makinës dhe më pas ka gjetur vdekjen e menjëhershme, pas përplasjes.
I riu po kthehej për në shtëpi, kur makina e tij u përplas me parmakët në pjesën e autostradës së prekur nga punimet në rrugë.
Zjarrfikësit kanë ndërhyrë dhe kanë punuar për orë të tëra për të nxjerrë trupin e djalit ndërsa mësohet se utostrada ka qëndruar e mbyllur deri në orën 5.45 të mëngjesit të sotëm.
