Këngëtari i njohur, Bryan Adams ka rezultuar pozitiv me COVID-19, sapo mbërriti në Aeroportin Malpensa të Milanos, në Itali. Lajmin e ka bërë të ditur vetë ai përmes një postimi në Instagram, ku shihet teksa po bën testin në një dhomë.
“Sapo arrita në Milano dhe dola pozitiv për herë të dytë brenda një muaji, për COVID-19”, ka shkruar Adams, duke falënderuar me këtë rast fansat për mbështetjen që i kanë ofruar.
Para tre javësh, ai gjithashtu rezultoi me Covid-19. Një përfaqësues i këngëtarit tha për revistën “Billboard” se ai ishte i vaksinuar dhe nuk pati simptoma të rënda të Covid-it.
