Shtëpia e Klodian Çalamanit, i cili vrau dhe më pas groposi 8-vjeçarin Mateo Vasia në Greçalli të Fierit, është përfshirë nga flakët.
Dyshimet paraprake janë se ngjarja ka qenë e qëllimshme. Ndërkohë, policia konfirmoi se banesa është djegur pjesërisht. “Në fshatin Grecalli, Fier, ka marë flakë dhe është djegur pjesërisht banesa e shtetasit K.Ç., 39 vjeç. Grupi hetimor po punon për përcaktimin e shkaqeve të rënies së zjarrit”, thuhet në njoftimin e bluve.
Aktualisht, Çalamani ndodhet pas hekurave, nën masën e sigurisë arrest me burg.
Ndëkohë, familjarët e 8-vjeçarit kanë mbledhur firma për një peticion që kërkon dënimin e tij me vdekje.
