I dërguari special i Qeverisë së Maqedonisë për Bullgarinë, Vlado Buçkovski, në emisionin e sontëm “360 gradë” në Alsat u shpreh i bindur se në periudhën e ardhshme do të ketë një qasje ndryshe nga pala bullgare në tejkalimin e problemit mes Shkupit dhe Sofjes. Megjithatë, ai nuk parashikoi se cilat mund të jenë pikëpamjet e katër partive politike në Bullgari që udhëheqin bisedimet për përbërjen e qeverisë së re.
“Nuk dua të bëj parashikime në pritje të bisedimeve, ku të gjithë presim që tema qendrore të jetë mënyra se si qeveria e re do t’i qaset zgjidhjes së mosmarrëveshjes që ka me Republikën e Maqedonisë së Veriut, mosmarrëveshje kjo e cila nga një problem dypalësh u shndërrua në problem rajonal”, tha Buçkovski.
