Nga Kurbini ku po mban Foltoren e radhës, ish-kryeministri Sali Berisha u shpreh se do ketë një garë të ndershme për secilin që do ketë dëshirë të garojë në PD.
Ai shtoi se në parlament u tha socialistëve se këtu do të jetë deri sa të bëhet 85 vjeç, ndërsa sot theksoi se do të jetë i angazhuar në politikë derisa të bëhet 95 vjeç.
“Dua t’ju garantojë se do ketë një garë të ndershme për secilin që do ketë dëshirë të garojë, por unë nuk mund t’ju them ju tani mirupafshim, por do ju them që do luftoj bashkë me ju deri në ditën e fundit të jetës sime. Siç e dini ua pata thënë në parlament socialistëve se këtu do më keni deri sa të bëhem 85 vjeç. Tani po ua them nga këtu para ju burrave dhe grave të Kurbinit se, me ndihmën e të madhit zoti, po u betohem se këtu do më kenë deri sa të bëhem 95 vjeç. Të përgatite”, tha ai.
