Serbi, sekuestrohen 520 kg mar*huanë. Dyshohet se ishte nisur nga Shqipëria

Rreth 520 kilogramë marihuanë u sekuetsruan në Serbi. Dyshimet janë se droga vinte nga Shqipëria dhe përmes Kosovës ka hyrë në territorin e serbisë.

Sipas njoftimit të policisë, droga ishte e ndarë në 134 qese dhe po transportohej me një automjet mallrash dhe se kjo sasi droge fillimisht kishte mbërritur në Kosovë përmes Shqipërisë, e më pas është transportuar në Serbi, ku ka qenë e destinuar të shitej.

LEXO EDHE  U kapën duke transportuar emigrantë të paligjshëm, arrestohen 4 të rinjtë në Korçë

Të arrestuarit i është caktuar masa e ndalimit për 48 orë. Ai do të dërgohet në Prokurorinë e Lartë Publike në Nish, raporton televizioni publik serb.

Ministri i Punëve të Brendshme në Serbi, Aleksandar Vulin, pas këtij aksioni policor u paraqit në një takim me drejtuesit e policisë serbe, duke marrë merita për “luftën e ashpër të MUP’it kundër drogës”.