Përfshihet nga flakët banesa, i moshuari në gjendje të rëndë

FOTO ILUSTRUESE

Një i moshuar ndodhet në gjendje të rëndë shëndetësore pasi banesa ku jetonte në një fshat në Elbasan, u përfshi nga flakët.

“Rreth orës 12:15, në fshatin Kuqan-Elbasan, ka rënë zjarr në banesën e shtetasit N.K. Si pasojë është djegur pjesërisht banesa dhe është dëmtuar nga flakët shtetasi N.K., 85 vjeç, i cili ndodhet në gjendje të rëndë shëndetësore”, njoftoi policia.

LEXO EDHE  Vrasja e Matiasit/ Nëna në gjendje shoku: Nuk hyj më në atë shtëpi

“Shërbimet zjarrfikëse kanë bërë të mundur fikjen e zjarri, ndërkohë, nga veprimet hetimore paraprake të kryera dyshohet se ngjarja është aksidentale”, shtuan të njëjtat burime.

Paraprakisht, dyshohet se zjarri është shkaktuar nga një cigare e lënë ndezur nga i moshuari, i cili raportohet se ishte i paralizuar.