VIDEO/ Talenti shqiptar dhuron “show” në Angli, shënon dy gola dhe asist

Mesfushori i Shpresave, Anis Mehmeti, është bërë protagonist absolut mbrëmjen e djeshme duke shënuar dy herë dhe duke dhuruar një asist në fitoren 0-3 të Wycombe ndaj rivalëve të Plejmuthit.

22-vjeçari u hodh në fushë si titullar por shpërtheu vetëm në pjesën e dytë. Fillimisht, Mehmeti asistoi tek goli i shënuar nga Vokes në minutën e 62-të, ndërsa gjeti rrjetën dy herë në fundin e takimit, ekzaktësisht në minutën e 84-ët dhe 90-të.

LEXO EDHE  Zyrtare/ Dy supersfida të Champions League do të luhen pa tifozë

Ky është sezoni i dytë për mesfushorin shqiptar me fanellën e Wycombes, teksa vitin e kaluar shënoi 3 gola dhe dha një asist në 29 ndeshje me fanellën e klubit anglez.

Paraqitja e fundit e Anis Mehmetit me fanellën e Shpresave është në datën 6 shtator të këtij viti në sfidën me Çekinë, ku kuqezinjtë u shkërmoqën me rezultatin 4-0.