Mbledhja e Komisionit Hetimor për zgjedhjet e 25 prillit përfundoi me debate mes anëtareve.
Komisioni dështoi për të miratuar me konsensus planin e hetimit për këtë proces.
Me 7 vota kundër të PS, 3 pro të PD-së dhe një abstenim të LSI-së, mazhoranca dhe opozita nuk u dakorduan për planin hetimor.
Kryetari i Komisionit Enkelejd Alibeaj u shpreh se përsa kohë që nuk u miratua plani, atëherë puna e këtij komisioni mbyllet këtu dhe kjo sipas tij tregoi fytyrën e vërtetë të shumicës.
Opozita braktisi mbledhjen.
Pjesë nga debati:
Gogu: Zoti kryetar mos u largoni nga Komisioni.
Alibeaj: Ne po ikim, ju mund të këndoni tani.
Ndërkohë pas diskutimeve komunikohet nga stafi se do të mbyllet transmetimi, por menjëherë reagon me tone të ashpra Nasip Naço.
Naço-stafit: “Ke frikë nga ai ti? Provo dhe mbylle transmetimin, hë provo…
Ervin Salianji: Pse kërcënon…
Naço: Jo mo, le ta provojë…
