Avokati, Elton Laska,do të jetë kreu i ri i Dhomës së Avokatisë në Qarkun Lezhë. Ai është zgjedhur me votën e anëtarëve të dhomës së avokatisë së këtij qarku, teksa në garë ishin 4 kandidatë.
Laska në fjalën e tij pas votimit falënderoi kandidatët në garë, teksa u zotua se prioritet i punës së tij do jenë juristet dhe qytetarët e këtij qarku.
Laska evidentoi se Qarku i Lezhës përballet me probleme të mprehta që lidhen me krimin dhe çështjet juridike, ndaj u zotua se do punojnë së bashku për të qenë në lartësinë e duhur për tu përballur me këto sfida.
“Ftoj secilin prej tyre, duke nisur nga rivalët e mi në garë të bashkojmë forcat dhe të rritemi së bashku në këtë rrugëtim, që do jetë plot sfida dhe pengesa.Qarku Lezhë është ndër zonat ku institucionet e drejtësisë përballen me fenomene të ndryshme, duke nisur me krimin e organizuar, krimin në familje dhe krime si pasojë e fenomeneve sociale që lidhen me varfërinë dhe korrupsionin. Për këto arsye roli i Avokatit në qarkun tonë merr një rëndësi të veçantë dhe secili prej nesh duhet të jetë në lartësinë e duhur për t’ju përgjigjur detyrimeve dhe angazhimeve.Do të jem zëri I juristëve të këtij Qarku, ndërkohë prioriteti ynë do të jetë qytetari Lezhës, Kurbinit, Mirditës dhe Krujës” u shpreh Laska në fjalën e tij.
