Spaho bën deklaratën e fortë: Shembja e Teatrit u bë në dijeninë e Bashës

Deputeti dhe ish-nënkryetari i PD Edmond Spaho ka hedhur akuza në drejtim të Bashës, ku një prej tyre është dhe mbledhja e Kuvendit me datë 18 dhjetor, e cila sipas tij është antistatutore.

Në një intervistë për emisionin ‘Frontline”, Spaho akuzoi Bashën se është në krah të Ramës dhe këtë e faktoi me disa argumente.

Spaho: AntiKuvendi i datës 18 dhe format me të cilat po përpiqen ta mbledhin janë antistatutore. Shikoni ata që kanë sulmuar PD-në. Të gjithë analistët sot janë në krah të Bashës.

Përralla që i ofrohen opinionit publik. Ndiqni Ramën në Kuvend. I thotë “ty të dua në PD sepse vetëm me ty fitoj”. Basha në këto 8 vite jo vetëm që nuk doli nga hija e Berishës, por dështoi në të gjitha ata që ndërmorri.

LEXO EDHE  Kuvendi i 11 apo 18 Dhjetorit? Mustafaj: Ja si do zgjidhet kriza brenda PD

Kush ia pati fajin kur hyri në çadër dhe pastaj bëri marrëveshje me Ramën? Kush ia pati fajin kur deklaroi se mbi trupin tim do kalojë Fatmir Xhafa dhe s’do të hyjë në ministri? Fatmir Xhafa hyri! Në dijeninë e tij është prishur edhe Teatri atë natë.

Nuk ka betejë që ka nisur dhe të mos e ketë lënë në gjysmë. Ky nuk është Kuvendi i Berishës, por gati i 5 mijë anëtarëve.