Sondazhi/ Berishën apo Bashën? Ja kë do votonin demokratët nëse do votohej nesër

Në prag të thirrjes së dy kuvendeve të jashtëzakonshme brenda PD-së, Radio Televizioni Ora dhe Antonio Noto publikuan sondazhin për atë që po ndodh brenda kësaj partie.

Ajo që bie në sy është se nëse demokratët do të votonin nesër për liderin e tyre të ri ai do të ishte Sali Berisha.  Kampioni i sondazhit është 1 mijë. 40 % e të anketuarve janë deklaruar afër PD-së. Marzhi i gabimit është 3.5 – 4%.

LEXO EDHE  4000 euro për gradën/ Përgjimet telefonike 'fundosën' pedagogun e Akademisë së Sigurisë dhe efektivin

Pyetje: Nëse nesër do mbaheshin zgjedhjet për liderin e ri të PD-së, ju cilin do votonit?

30.2% e të anketuarve kanë zgjedhur Berishën, ndërsa 14.3% e tyre kanë zgjedhur Bashën. 47.6% e të anketuarve janë përgjigjur “asnjëri prej tyre”, ndërsa 7.9% e tyre, “nuk e di”. Mes të anketuarve të PS-së, 17% kanë zgjedhur Berishën, ndërsa 21.5% Bashën.