Taulanta Jupi, anëtare e kryesisë së PD, ka qenë e ftuar në emisionin “Pushteti” në Fax News për të folur lidhur me situatën aktuale brenda partisë Demokratike. Gjatë fjalës së saj në studio, Jupi ka vënë në dukje faktin se nuk beson se firmat e mbledhura ishin legjitime pasi sipas saj jo të gjithë ata që e kishin firmosur e kishin mandatin e delegatit.
Jupi shkoi më tej duke thënë se foltoret e organizuara nga ish-kryeministri Sali Berisha nuk ishin aq të mëdha por zhurma që bëhej ishte e madhe dhe se pjesa më e madhe e anëtarëve të pranishëm ishin aty për shkak të një kujtese emocionale me liderin historik të PD.
Kuvendi i 18 dhjetorit ishte thirrje për bashkim sipas anëtares së kryesisë dhe bëri thirrje që të gjithë demokratët që duan të mirën e PD të jenë të pranishëm
Foltorja e Berishës në Mat, si e shikoni procesin aktual në PD, a do të shkohet në përcarje definitive?
Taulanta Jupi: Mua më dhimbsen demokratët të cilët gjenden përballë njëri-tjetërit sot të cilët pa dashje janë vendosur në një situatë ku duhet të zgjedhin mes të vërtetës dhe kujtesës emocionale që të gjithë e kanë për liderin e tyre historik.
Është një rrugëtim i vështirë në këto dy muaj dhe unë besoj se PD ndihet në sfidë. Janë sfiduar të gjitha institucionet e saj. Foltorja ka sfiduart legjitimitetin e PD dhe institucionin e kryetarit që është I zgjedhur me votë nga mbi 80% e anëtarësisë së PD. Është vendosur në pikëpyetje vetë legjitimitetit i Këshillit Kombëtar. Në këtë sfidë jemi vendosur nga vetë ai që e ka krijuar këtë parti politike. Mungesa e vullnetit për ta parë pozicionin e asaj cfarë ke bërë me atë cfarë do të bësh e ridimensionon figurën e Sali Berishës në këtë moment. Edhe në sytë e mi, Berisha do ndahet në dy figura në atë të para foltores dhe në atë të pas foltores. Ju thatë se nuk ka dialog, por unë besoj se Kuvendi i datës 18 është një ftesë për bashkim. Të gjithë demokratët që duan të mirën e PD duhet të jenë në Kuvendin e datës 18 pasi jo më kot kryesia gjykoi dhe vendosi që ky Kuvend të mbahej në këtë datë.
A mundet vetëm kryesia të marrë një vendim përkundër atij që mund të kenë kërkuar shumica e firmëtarëve nga demokratët?
Si fillim unë dua të them se foltoret nuk janë aq të mëdha sa duket, por është një zhurmë shumë e madhe për ta bërë të dukshme një përkrahje që nuk e dimë sesa e vërtetë është. Nuk dua të vë në dyshim vullnetin e asnjë demokrati që ka shkuar në atë foltore. Në respekt të tyre unë i kam ndjekur të gjitha foltoret, në respekt të ndjenjave të tyre.
Po ti pyesësh a duan të përcahet PD? Do thonë jo. Atëherë këtu ka dicka tjetër. A janë tërhequr demokratët me anë të kujtesës së tyre emocionale drejt një kurthi? Sa i përket firmave të demorkatëve, ne nuk e dimë nëse janë legjitime. A janë firmat e atyre njerëzve që kanë një mandat dhe janë delegatë të Kuvendit? Më lejoni t’ju jap një shembull. Para disa muajsh një pjesë e kryesisë së PD në qytetin e Korçës dha dorëheqjen. Në dijeninë time, një pjesë e tyre kanë firmosur për të shkuar në Kuvendin e datës 11. Ata e kanë humbur të drejtën dhe legjitimitetin për të frmosur pasi nuk e kanë më mandatin sepse nuk janë më në postin e anëtarëve të kryesisë së qytetit. Në dijeninë dime nuk janë komanduar të tjerë por megjithatë kur jep një dorëheqje…
Atëherë po them dicka tjetër, në foltoren e Librazhdit një zotëri tha se kishte votuar bashkë me familjen e tij për të bërë të mundur thirrjen e Kuvendit në datë 11. Tani ai ose gënjen ose vërtet këtu ka elementë që e bëjnë jo legjitim prezencën e të gjithë atyre firmave të mbledhura. Unë nuk po them se Berisha nuk mund të mbledhë miting por nuk jam e qartë nëse ata firma janë legjitime për të përmbushur shifrën e ¼ të votave për të thirrur Kuvendin.
