Chelsea-Juve, ja formacionet e mundshme të dy skuadrave/ Mungesat respektive

Chelsea dhe Juventus përballen sot në Champions League, ndeshje që do të luhet në “Stamford Bridge”. Takimi i sotëm është i 5-ti në fazën e grupeve.

Ekipi i Allegrit ka siguruar kualifikimin, ndërsa Chelsea ndodhet në vendin e dytë. Një fitore e ekipit londinez i barazon ato me pikë me “Zonjën e Vjetër”, për të shpresuar më pas renditjen në vendin e parë në ndeshjen e fundit në grupe.

Sa i përket mungesave të dyja skuadrat janë të penalizuara. Tuchel nuk do të ketë në dispozicion sulmuesit, Lukaku, Havertz dhe mesfushorin Kovacic. Allegri në krahun tjetër do të duhet ti bëjë llogaritë pa mbrojtësit, Chiellini, Danilo dhe De Siglio, pa sulmuesit, Bernadescho dhe Dybala dhe pa mesfushorin Ramsey.

LEXO EDHE  Ajaxi fiton me goleadë, shkëlqen braziliani Antony

Skuadrat pritet të rreshtohet në fushë me skemat e përhershme. Tuchel me 3-4-2-1, maja e sulmit e cila në mungesë të Lukakut dhe Havertz do të udhëhiqet nga gjermani Werner. Allegri në krahun tjetër pritet ta rreshtojë skuadrën me skemën, 4-4-2, ku dyshja e sulmit do të plotësohet nga Morata dhe Kulusevski.