Përplasja në PD/ Sejamini: Propozimet e Berishës, mund të jenë kontribut pozitiv për partinë dhe vendin!

Neritan Sejamini, i ftuar në emisionin “Të Paekspozuarit në MCN TV, ka folur për lëvizjen e Sali Berishës në bazën e PD-së dhe përplasjen e tij me Lulzim Bashën.

Sejamini tha se kemi të bëjmë me një luftë për pushtet dhe secila palë mendon për veten, por sipas analistit, lëvizja e Berishës dhe propozimet e tij, për kufizimin e mandatit të kryetarit dhe mbajtjen e primareve, mund të sjellin kontribut pozitiv në parti dhe për vendin.

“Këto debatet publike, të gjithë udhëheqësit janë share përgjatë viteve, e vetmja dyshe që kishte mbetur pa u sharë ishin Berisha dhe Basha.  Kanë sharë dhe lëvduar njëri tjetrin, të gjithë udhëheqësit tanë.

Pa i hyrë detajeve, kjo është një luftë për pushtet dhe punojnë për interesin e tyre.Këto parime, këta persona nuk i kanë folur para disa kohësh. Para katër muajsh ka patur zgjedhje në PD dhe askush nuk e ka ngritur problemin e dorëheqjes së Bashës.

LEXO EDHE  PD e Shkodrës publikon emrat e delegatëve për Kuvendin e 11 Dhjetorit: Kanë firmosur 70%

Ku çon e gjithë kjo gjë? Cila nga palët mund të sjellë diçka të mirë për PD-në dhe vendin? A do të dalë ndonjë gjë e mirë nga kjo luftë dhe ky sherr?

I vetmi ndryshim që ndodh sot në përplasjen Berisha-Basha, të paktën Berisha po thotë, do të rregullojmë disa gjëra në PD që shumë njerëz i presin. Do të kufizojë mandatin e kryetrit, që të gjithë e presin. Do të kemi primaret. Mund të mos e bëjë. Por nëse e bën do të jetë kontribut i mire për PD-në dhe politikën”, tha Sejamini.