Ministri i Drejtësisë, Ulsi Manja, vendosi sot që Alket Hatia, të ekstradohej në Itali.
Ndërkohë mediat raportojnë mbi një mesazh që Hatia i ka dërguar ministrit Manja, ku i thotë se “është bërë kurban”.
Hatia thotë se është një turp për drejtësinë shqiptare.
“I nderuar ministër kisha shumë shpresë tek drejtësia juaj shpresoja, që familja ime do gjente qetësi meqë kemi një ministër të drejte! Por drejtësia lë për të dëshiruar mesa shoh…Familja ime qenka vetëm në dorë të të madhit Zot. Ky është turp i drejtësisë shqiptare. Më bënë kurban, që fëmijët e tyre të jetojnë në komoditet”, thuhet në mesazhin e raportuar nga mediat.
Kujtojmë se Hatia është dënuar me 20 vite burg për trafik droge.
