Instituti Kombëtar i Shëndetësisë Publike në Kosovë, ka njoftuar se të Hënën, janë regjistruar 10 raste të reja me koronavirus, nga 1.231 testime.
Në 24 orët e fundit nuk është regjistruar asnjë viktimë.
Autoritetet shëndetësore kanë bërë me dije edhe se 13 persona janë shëruar, ndërsa 323 janë ende aktivë me koronavirus.
Prej shpërthimit të pandemisë në mars të vitit 2020, Instituti Kombëtar i Shëndetësisë Publike në Kosovë ka regjistruar mbi 161.000 raste të infektimit.
Prej tyre 2.982 persona kanë vdekur.
Kosova ka nisur fushatën e vaksinimit kundër koronavirusit në Mars të këtij viti. Prej atëherë, janë dhënë mbi 1.6 milion doza të vaksinës.
