Nensi Dojaka është kthyer në kryefjalën e mediave të modës greke. Dizajnerja me origjinë shqiptare e pritshme dhe e vlerësuar propozon paraqitje që vënë bast mbi kontrastin mes elementeve sensuale dhe avangardës.
“Dizajnerja e re, me origjinë nga Shqipëria, ndjek estetikën e viteve ’90, duke eksperimentuar me pëlhura transparente dhe dizajne asimetrike.
Piestetikë shumëdimensionale, e zbërthyer që të kujton fort filozofinë e dizajnit të shkollës së Antwerpenit në kryqëzimin me qasjen minimaliste të Helmut Lang dhe një dozë të Alexander McQueen”, shkruan një nga mediat më të njohura të modës greke.
“Kam hulumtuar aq shumë për revistat e viteve ’90, sepse më pëlqejnë veshjet, estetikën, madje edhe mënyrën se si bëheshin fotot në atë kohë. “Ka diçka të papërpunuar dhe emocionale ku unë me të vërtetë dua të kthehem”, është shprehur Nensi në një intervistë.
Më tej, artikulli thotë: “Ylli i ri i modës u diplomua së fundmi në Central Saint Martins , ndërsa themeloi markën e saj me të njëjtin emër në 2017 pak para se të përfundonte diplomën e saj universitare në Kolegjin e Modës në Londër. Këtë vit ajo fitoi një nga çmimet më të rëndësishme që një stilist i ri mund të marrë, çmimin LVMH, i cili do t’i japë asaj mundësinë për të marrë një vit udhëzime artistike nga grupi.
Dojaka është bërë tashmë e preferuara e shumë të famshëm vitin e kaluar dhe suksesi i saj pritet “të fluturojë”, të rritet edhe më shumë.
Pasi ka studiuar shumë dizajnin e të brendshmeve, stili i saj është sensual dhe delikat, por me detaje të theksuara, si prerje të mprehta dhe qepje të papërpunuara.
Sipas saj, feminiteti dhe sensualiteti kanë të bëjnë me të treguarit e vetes ashtu siç dëshiron të të shohin. Qëllimi i saj kryesor? Për të rilyer imazhin e grave, duke treguar të dyja anët: të pambrojtura, por kryesisht fuqinë që i karakterizon”.
