Në një deklaratë të dhënë për mediat në kuadër të përkujtimit të viktimave të aksidenteve rrugore, drejtori i Policisë Rrugore, Altin Qato, theksoi se nuk mbetet prioritet vetëm rritja e masave administrative por edhe sensibilizimi i drejtuesve të automjeteve në mënyrë që të shpëtohen jetë.
Sa i përket numrit të aksidenteve, ai tha se ato vinin nga rritja e numrit të automjeteve dhe fakti që shumë prej drejtueseve përdornin në timon celularin apo e drejtonin makinën në gjendje të dehur.
“Nuk është vetëm policia për rritjen e parametrave të sigurisë rrugore, por janë vetëm qytetarët. Edhe nëse një këmbësor gabon përdoruesi i mjetit duhet të jetë shumë i kujdesshëm për të shpëtuar një jetë.
Vëmendje kryesore do ti kushtohet rritjes së sigurisë ku qarkullojnë fëmijë, pranë shkollave kopshteve. Duhet të jemi të kujdesshëm me shpejtësinë.
Zbato rregullat ke një jetë të shpëtuar, ky është motivi kryesor. Qëllimi jonë nuk është të rrisim masat administrative por të sensibilizojmë dhe të shoëtojmë jetë.
Po të bëjmë një krahasim me vitin 2019, kemi një ulje prej 17 të vdekur më pak. Ka vazhdimisht ulje përveç vitit 2020.
Ka një shtim të përdoruesve të mjeteve, është shtuar përdorimi i mjeteve, i rrugës, jemi në porporcion jo të drejtë sepse shtohen përdoruesit e mjeteve dhe shoferëve. Drejtues që përdorin alkool është shumë e rëndë, parakalime të gabuar, një fenomen është përdorimi i celularëve në përdorim të makinës”, tha ai.
