Kryetari i Partisë Demokratike, Lulzim Basha ka reaguar pas raportimeve për rritjen e numrit të azilkërkuesve shqiptarë në vendet e BE, në muajin Gusht.
“Me përjashtim të një lufte civile, një nga arsyet madhore pse njerëzit largohen nga vendi i tyre është korrupsioni. Rritja e aplikimeve për azil në vendet e BE-së dëshmon edhe njëherë se masakra e 25 prillit nuk zgjidhi asgjë për shqiptarët”, shkruan Basha në një postim në rrjetet sociale.
“Fundi i kësaj katastrofe kombëtare, kërkon një përballje frontale me korrupsionin, duke thyer bashkëpunimin mes politikës, krimit dhe oligarkisë, që ka shkërmoqur demokracinë dhe po mbyt të ardhmen e Shqipërisë duke e bërë të pajetueshme për familjet shqiptare. Vetting në politikë”, shton ai ai.
