Partizani-Laçi është sfida më e rëndësishme e ditës së sotme që do të luhet në “Air Albania”, ora 19:45, e vlefshme për javën e nëntë të Superiores.
Një takim i luftuar nga të dy ekipet që janë të “karikuar” për fitoren. Demat kërkojnë 3 pikëshin e dytë rresht ndërsa nga krahu tjetër kurbinasit kërkojnë fitoren e vazhdimësisë e cila do të ishte e 4-të rresht.
Partizani ka arritur të grumbullojë 8 pikë në 8 ndeshje të luajtura, ndërsa kurbinasit kanë arritur kuotën e 11 pikëve.
Trajneri i Partizanit, Ilir Daja, në këtë sfidë do ketë mungesën e kapitenit. Alban Hoxha nuk është akoma gati për të nisur si titullarë për shkak të dëmtimit që pësoi kohët e fundit, ndërsa Cara pritet të nisë si titullarë teksa ka kaluar plotësisht edhe dëmtimin.
Formacionet e mundshme:
Partizani: Teqja, Sota, Belica, Saliou, A.Marku, Mala, Kaçe, H.Marku, Musta, Zhunior, Cara. Trajner: Ilir Daja
Laçi: Dajsinani, Roganovic, Ignjatoviç, Malota, Ziko, Deliu, Shehu, Lushkja, Ademi, Guindo, Mazrekaj. Trajner: Mirel Josa
