Deputeti i Partisë Demokratike, Flamur Noka ka treguar një detaj nga gara për kreun e PD-së.
I ftuar në emisionin “Politico”, Noka tha se kryedemokrati Lulzim Basha e kishte marrë në telefon sapo kishte marrë vesh që Agron Shehaj do të garonte gjithashtu për kreun e partisë.
Sipas tij, Basha e kishte kontaktuar dhe ishte i frikësuar për kandidimin e Shehajt.
“Agron Shehaj ishte një nga kandidatët. I janë dridhur këmbët Lulzim Bashës që nga momenti që ka dalë emri i Agron Shehaj në garë deri ditën e fundit. Më ka marrë në telefon dhe më ka habitur. Se di sesi mund të ishte i tmerruar, ishte investimi i tij për deputetin e ri pa një karrierë, pa një emër të madh të krijuar në politikë…nuk e di. Ishte i tmerruar. Mendoni që një njeriu që i dridheshin leqet e këmbëve para Shehaj, mund të përmendë Sali Berishën”, tha Noka.
