Tragjike në Vlorë/ Humb jetën 1-vjeçari

Një ngjarje e rëndë raportohet të ketë ndodhur në Vlorë, ku një fëmijë në moshën 1-vjeçare ka humbur jetën.

Mësohet se fëmija vetëm 1 vjeç ka prerë me një gotë të thyer, një venë në qafë dhe për pasojë ka ndërruar jetë.

Informacionet paraprake njoftojnë se fëmija ishte me nënën në shtëpi në momentin që ka ndodhur ngjarja tragjike, por pavarësisht se është nisur menjëherë drejt spitalit, fatkeqësisht nuk ka arritur të shpëtojë.

LEXO EDHE  Operacioni për pastrimin e parave/ Konfiskohen 67.5 mln euro, mijëra transaksione të paligjshme

Më datë 19.11.2021, rreth orës 18:08, është paraqitur për ndihmë mjekësore në spitalin Rajonal Vlorë, me dëmtime në qafë, dyshohet aksidentalisht, një shtetas i mitur 1 vjeç, i cili si pasojë ka ndërruar jetë“, thotë policia.

Grupi hetimor po punon për zbardhjen e rrethanave të ngjarjes aksidentale që ka rezultuar në një tragjedi për familjen.