Dalin rezultatet përfundimtare të ekspertizës paraprake që i është bërë Klodian Çalamanit, 38-vjeçarit që dy ditë më parë vrau dhe groposi një fëmijë 8 vjeçar.
Çalamani ndodhet në paraburgimin e Vlorës, ndërsa dje Gjykata e Fierit caktoi masën e sigurisë me burg.
Sipas ekspertizës Klodian Çalamani, vrasësi i fëmijës 8 vjeçar në Grecalli të Fierit, nuk vuan nga probleme të shëndetit mendor.
Çalamani ka folur me gjakftohtësi të plotë për vrasjen e Mateos 8 vjeçar, si në ambientet e paraburgimit, ashtu në Policinë e Fierit në momentin që u arrestua.
“Klodian Çalamani nuk ka probleme të shëndetit mendor”, thuhet në ekspertizën e bërë 38 vjeçarit, mëson gazetari Elton Qyno.
Kujtojmë që ditën e djeshme gjykata ka caktuar për të masën e sigurisë “Arrest me burg”.
