Ministrja e Shtetit për të Rinjtë dhe Fëmijët, Bora Muzhaqi, ka habitur jo pak me sjelljen e saj ndërkohë që gazetarët kërkonin një koment për tragjedinë e Fierit ku një monstrër i mori jetën 8-vjeçarit.
Ministrja e Shtetit për fëmijët, kishte kohë sot për gjithçka vetëm të bënte një reagim për fëmijën e vrarë nuk pati.
Megjithatë pas komenteve dhe kritikave të shumta në rrjet, Bora ka gjetur kohë të reagojë për ngjarjen, madje duke shtuar se ajo nuk mund të fliste për ngjarjen se është jashtë kompetencave të saj.
Postimi i Bora Muzhaqit:
Ndjesë nëse kam lënë shteg për keqkuptimin e kujtdoqoftë që ka pritur një përgjigje tjetër nga unë, përballë disa mediave të cilat m’u gjendën përballë duke shkuar për një tjetër takim pune.
Jam thellësisht e prekur si të gjithë nga tragjedia e Fierit dhe besoj se gjithçka mund të bëhet më tutje për adresimin e çështjeve të pyetjes, do të bëhet, ashtu si duhet, nga institucionet. Detyra ime funksionale është angazhimi me programet jashtëshkollore të nxënësve e studentëve, si dhe programet e aktiviteteve për fëmijët në komunitet.
Prandaj dhe nuk m’u duk e udhës të jap një opinion personal mbi fusha të tjera specifike për të cilat m’u drejtua pyetja.
Ndërsa për sa i takon sarkazmës politike apo mediatike me tragjedinë, nuk kam asnjë koment. E kam neveritur gjithnjë lojën publike me dhimbjen e shkaktuar prej tragjedive. Por sot e provova shijen e saj drejtëpërdrejtë. Vdekja e dhunshme e një fëmije nuk mund të jetë kurrë arsye për të luajtur me njeri-tjetrin. Ndjesë edhe njëherë atyre që kanë keqkuptuar përgjigjen time.
