I preu pemët, 64-vjeçari qëllon me çifte në drejtim të bashkëfshatarit

Një konflikt mes dy personave në fshatin Rrilë të Lezhës ka degjeneruar në përdorimin e armës së zjarrit. Sipas një rindërtimi paraprak të ngjarjes, një konflikt për prerjen e pemëve, ka bërë që një 64-vjeçari të qëllojë me çifte drejt fqinjit të tij. Ky i fundit nuk është prekur nga plumbat dhe nga ngjarja nuk raportohet për të plagosur.

Ngjarja

Burime zyrtare nga blutë bënë me dije se “shërbimet e Policisë, pas marrjes së njoftimit së në fshatin Rrilë, Lezhë, 2 fqinjë po konfliktoheshin me njëri-tjetrin dhe se njëri prej tyre kishte qëlluar me armë gjahu në drejtim të fqinjit tjetër, kanë shkuar menjëherë në adresën e dhënë. U bë i mundur parandalimi i përshkallëzimit të mëtejshëm të konfliktit, kapja dhe arrestimi në flagrancë i autorit të dyshuar, shtetasit L.K., 64 vjeç, banues në Rrilë, Lezhë. Ky shtetas, pas një konflikti të çastit, ka qëlluar me një armë gjahu në drejtim të shtetasit M J., banues në Rrilë, pa i shkaktuar lëndime”.

Arma e gjahut me municion luftarak u sekuestrua.

LEXO EDHE  Kosova bojkoton Lojrat Olimpike në Pekin

Gjithashtu, u procedua penalisht dhe shtetasi M.J., për veprën penale “Prerja e drurëve dekorativë dhe frutorë”, pasi dyshohet se ka prerë pemët dekorative në pronësi të shtetasit L.K., në fshatin Rrilë, Lezhë, shtuan të njëjtat burime.