Pronari i një dyqani armësh është vënë në pranga nga policia në Tiranë, pasi në dyqanin e tij të armëve i janë sekuestruar pistoleta e armë të tjera sportive e gjahu, të cilat i kishte futur kontrabandë.
Policia bën të ditur se në pranga është vënë Ylli Osmanaj, ndaj të cilit rëndojnë akuzat për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe ”Mbajtja pa leje dhe prodhimi i armëve të gjuetisë dhe sportive”.
Policia gjeti në dyqanin e këtij shtetasi 2 armë zjarri pistoletë, 4 pushkë sportive, 3 armë gjahu, pjesë të armëve të ndryshme dhe krehër me fishekë luftarakë.
