Instituti Kombëtar i Shëndetësisë Publike në Kosovë, ka njoftuar se të Mërkurën, janë regjistruar 17 raste të reja me koronavirus, pas 1.544 testimeve.
Në 24 orët e fundit nuk është regjistruar asnjë viktimë.
Autoritetet shëndetësore kanë bërë me dije se më 17 nëntor, 19 persona janë shëruar, ndërsa 405 persona janë ende aktivë me koronavirus.
Prej shpërthimit të pandemisë në mars të vitit 2020, Instituti Kombëtar i Shëndetësisë Publike në Kosovë ka regjistruar mbi 160.000 raste të infektimit.
Prej tyre, 2.980 persona kanë vdekur.
Kosova ka nisur fushatën e vaksinimit kundër koronavirusit në mars të këtij viti. Prej atëherë janë dhënë mbi 1.5 milion doza të vaksinës. Numri i personave të vaksinuar me të dyja dozat ka shkuar në 752.365, ndërsa 847.007 kanë marrë dozën e parë.
