Pastori Akil Pano teksa ka analizuar krimin e rëndë që tronditi mbarë opinionin publik, ku një 8-vjeçar u vra nga fqinji i tij, theksoi se nëse do të funksiononte zinxhiri i përgjegjësive ngjarje të tilla nuk do të ndodhin.
I ftuar në emisionin ‘Në Shënjestër’ të gazetares Klodiana Lala në ‘Neës24’, pastori tha se çfarë pritet të ndodh më shumë se sa ajo që ndodhi dje. Mes të tjerash pastor Pano tha se nëse jeta e Klodian Çalamënit do të ishte pranë Zotit gjatë periudhës së tranzicionit dhe me modele të mira edukimi, s’do të ishim sot në këtë situatë.
“Do doja të shprehja ngushëllime familjes së Mateos. Një traumë dhe tragjedi e pashembull. Çfarë pritet të ndodh tjetër? Çfarë ka ngelur tjetër?! Besoj se të ndërtohet identikiti i këtij personi, i vrasësit nuk është vështirësi e madhe, por më konvergon mosha. Mosha e Mateos me Klodianin vrasës. Klodiani vrasës sot në vitet e tranzicionit ka qenë në moshën e Mateos. Nga një anë duket se arsyeja e paarsyeshme e këtij personi funksionon si sahat. Fatkeqësisht ndaj të njëjtin sentiment me zonjën Doda, në analizojmë situatën post-mortum. Krimi është krim. Sado që ta racionalizojmë atë, krimi është krim. Shumë kërkojnë dënim me vdekje, mbase me të drejtë. Shoqëria shqiptare reagon nga natyra e saj. Për të mos e minimizuar krimin, do thoja që mëkati nuk është vetëm i gjyqtarëve dhe prokurorëve, pasi ky djalë në moshën 24-vjeçare kishte bërë gati një krim të ngjashëm.
Kur ai del, çfarë ndodh me hallkat e tjera institucionale. Të përmendim besimin dhe komunitetet e besimit, jemi në një shoqëri që jeton në krahun e kundër të besimit dhe të fesë. Problemi që unë kam është me identifikimin e problemit, ne rrekemi të gjejmë një kurë, por mbërrijmë te identifikimi. Duhet të vendosen pikat mbi I të atyre institucioneve që nuk bëjnë detyrën; urdhri i psikologut, sociologut, feja, apo dhe prindërit. E nisa historinë e kriminelit me tranzicionin traumatik. Komuniteti më i madh i njerëzve në Shqipëri janë nominal. Ideja është se ky djali, nëse jeta e tij gjatë tranzicionit do të ishte pranë Zotit, dhe me modele, ai në mungesë të këtij mësimi, groposi të afërmin e tij me dhe. Krime të këtyre niveleve ekzistojnë. Por në një vend kaq të vogël, me kaq fenomene të forta, siç është ai fenomeni i prindërve të pushtetshëm, të cilët janë gati të paguajnë shuma marramendëse gjykatësve, i dënojnë përjetësisht bijtë e tyre. Do të kishim më pak ngjarje nëse do të funksiononte zinxhiri”, tha pastori.
