Çudira rilindase/ Kryebashkiaku reklamon rrugën e ‘dhisë’ si arritje, qytetarët e masakrojnë në rrjet

Në Shqipëri nuk kanë të ndalur çudirat rilandase, ku kryebashkiakët e Ramës për të impresionuar shefin e ture po shpik edhe rrugë të paimagjinueshme.

Së fundmi kryebashkiaku i Bulqizës, Lefter Alla ka reklamuar një rrugë pa rrugë në Facebook, të cilën e shet si vepër të qeverisë dhe pushtetit lokal ndërtuar me taksat e qytetarëve, ndërkohë që vetë këta të fundit e quajnë tallje.

Për të kuptuar se për çfarë rruge bëhet fjalë, duhen parë fotot më poshtë, që tregojnë se Alla ka parë nga afër investimin dhe e ka reklamuar në Facebook.

Postimi i Lefter Allës:

Falë dëshirës dhe vullnetit për të bashkëpunuar, #BashkiaBulqizë mundësoi bazën materiale të nevojshme, ndërsa vetë banorët kryen pjesën tjetër të punës,” shkruan Alla në Facebook, duke reklamuar përfundimin e punimeve.

Kryebashkiaku nuk ka vënë re ndonjë gjë të çuditshme, por komentet e kanë bërë copë.

LEXO EDHE  Zhvillimet në PD, edhe Kreu i degës së Lushnjes drejt dorëheqjes. Ja kush pritet ta zëvendësojë

 “Ore rrugë është kjo!? Sa viza ke hequr përpara se të bëjë këtë?” i shkruan një prej komentuesve, duke i kujtuar videon me kokainë, për të cilën Lefter Alla përfundoi në SPAK.

 “Talluni me këtë popull se pak e ka… pse mor rrugë është kjo!?!?!” shkruan një tjetër.

“Ka punu me plan tjetri jo kot më kot ! Nesër pasnesër e hap kanal atë pjesën në mes dhe del kanal vaditës fiks çudira alla shqiptarçe” tallet një tjetër.

Komentet në profilin e kryebashkiakut janë perla, por investimi që ka inauguruar ai ia kalon të gjithave dhe është i pakrahasueshëm.