Detaje të reja kanë dalë në dritë nga ngjarja makabre që ndodhi këtë pasdite në Fier, ku u rrëmbye dhe u vra një fëmijë i mitur.
Klodian Çalamani e kishte rrëmbyer fëmijën dhe pasi e kishte vrarë e kishte mbuluar me baltë. Ai u konstatua nga policia, pas denoncimit të së ëmës.
Fqinjët e tyre shprehen për kamerat se autori ishte rritur në një familje pa nënë dhe pa baba.
“Janë banor të fshatit këtu. Ku dimë ne tani. Na vjen keq se e kemi pasur të lagjes djalin e vogël. Këtu bridhte. Na ka ardhur keq si për fëmijë tonë. Ishte djalë flori i urtë. Derë më derë ishin. Ky që ka bërë këtë, është rritur pa nënë dhe pa baba. E ëma është martuar në Maqedoni. Pa prindër. Nuk e dimë nëse ka qenë i dënuar. Dukej njeri që shikonte punën e tij. Nuk dimë më shumë”, shprehen fqinjët.
Policia ka rrethuar zonën ku ndodhi ngjarja, ndërkohë Çalamani është vënë në pranga. Tashmë pritet dëshmia e tij dhe hetimi më i thelluar i ngjarjes për të mësuar motivet që e kanë shtyrë të ndërmarrë këtë akt të rëndë.
Vite më parë Çalamani kishte qenë autor i një ngjarje të ngjashme, ku bashkë me shokun e tij kishin rrëmbyer një vajzë adoleshente në atë kohë vetëm 16-vjeç dhe e kishin torturuar për 20 minuta.
