Vetëm një nga tre shqiptarët e atestuar lidhur me vrasjen e një arkitekti italian, është lënë në qeli.
Roberto Mottura u qëllua për vdekje gjatë një tentative grabitjeje në vilën e tij në Piossasco, natën midis 9 dhe 10 qershorit 2021.
Gjykata e Torinos liroi të dytin nga tre anëtarët e grupit shqiptar, të arrestuar fillimisht. I iiruari i dytë është Mërgim Lazri, i dyshuar si bashkëpunëtor dhe pjesëmarrës në tentativën e grabitjes që përfundoi me vrasjen e Mottura-s.
Një javë më parë, e njëjta gjë ishte bërë edhe për Flaogert Sylën. Nga tre të arrestuarit, tashmë pas hekurave ka mbetur vetëm Emirjon Margjini, i akuzuar se ka qëlluar arkitektin teksa ai po përpiqej të mbronte familjen e tij.
Më 1 tetor 2021, tre shqiptarët u arrestuan për vrasjen e Roberto Mottura-s, 50-vjeçarit që tentoi të ndalonte hajdutët në shtëpinë e tij në Piossasco natën midis 8 dhe 9 qershorit të këtij viti. I goditur në arterien femorale me armë zjarri, arkitekti humbi jetën para syve të gruas dhe djalit të tij 12 vjeç.
