Performanca e Travis Scott në Festivalin “Astroworld” në Hjuston, u kthye në tragjedi kur 10 persona ndërruan jetë dhe mbi 300 të tjerë u lënduan, për shkak të një turme që nisi të shtynte.
Rreth 50,000 njerëz ishin prezentë në festivalin e muzikës të mbajtur në natyrë në “NRG Park”.
Një burim shprehet se reperi është në gjëndje “shoku” dhe se mbështetja e vetme tani është Kylie Jenner.
“Travis është në kontakt të vzhdueshëm me familjarët e viktimave dhe po përpiqet në maksimum për t’i ndihmuar ato”- tha një burim konfidencial pranë familjarëve.
“Kylie e di se sa shumë do të thotë për Travis të performosh dhe të dalësh para fansave të tij, kështu që ta shohësh atë në një gjendje shokuese teksa lajmet dhe proceset gjyqësore vazhdojnë është shumë e vështirë për të dy”- thotë më tej burimi.
