Detajet/ Si ndodhi përplasja me armë mes shqiptarëve në Greqi

Një përplasje me armë u regjistrua gjatë mëngjesit të sotëm në Greqi, midis 2 grupeve shqiptare, ndërsa mediat greke raportojnë se bazuar te të dhënat hetimore, ngjarja ishte një mesazh, që njëri grup ka dashur ti japë tjetrit.

Autorët e qëlluan shënjestrën në këmbë, ndërsa ai po hipte në një automjet, por edhe mund ta vrisnin atë.

Një tjetër pistë dyshohet të jetë edhe larja e hesapeve mes bandave të drogës. Sipas burimeve policore, të raportuara, dëshmitarët okularë që kanë dëshmuar kanë parë një makinë duke ndaluar në vendin e plagosjes.

Dy persona kanë zbritur nga makina dhe kanë nisur të godasin shënjestrën, ndërsa në fund njëri prej tyre ka nxjerrë armën dhe e ka qëlluar në këmbë. Më pas autorët janë larguar duke e lënë të plagosur.

LEXO EDHE  Ndarja nga jeta e senatorit Dole, Basha mesazh ngushëllimi

Kësisoj policia, sipas informacioneve, supozon se goditja ka qenë paralajmërim, pasi autori e ka qëlluar në këmbë. Prandaj mendohet se ka dashur t’i japë një “mësim” të plagosurit.

Newsbeast.gr raportoi duke iu referuar kryebashkiakut të Koropit se grupet bëhet fjalë për dy grupe romësh, të cilët sipas tij janë kthyer në një problem të madh sigurie në zonë.