Sulmi ndaj futbollistes së PSG, ish-lojtari i Barcelonës i dyshuari kryesor

Eric Abidal, EFE

Një ngjarje e rëndë ndodhi në ekipin e femrave të PSG-së. Kheira Hamraui u sulmua nga dy burra të maskuar dhe u plagos në këmbë. Policia investigoi ngjarjen dhe zbuloi se personi që i ngriti kurth ishte shoqja e saj e skuadrës, Aminata Dialo. Megjithatë detaje të reja kanë dalë duke përfshirë ish-mbrojtësin e Barcelonës, Erik Abidal.

Sipas gazetës franceze ‘Le Monde’, Abidal mund të ketë qenë ai që organizoi atentatin. Thuhet se shkaku është fakti i një hatëmbetjeje midis Abidal dhe Hamraui, disa muaj pas ndarjes mes tyre.  Ata kanë qenë të lidhur për dy vite, gjatë kohës që 42 vjeçari ishte drejtor sportiv tek Barcelona.

LEXO EDHE  Arbër Abilaliaj: Partizani ka nevojë për merkato, do vazhdojë luhatjet gjithë sezonin

E përditshmja thotë se është gjetur emri i mbrojtësit në telefonin e Hamraui dhe tani pritet që ai të merret në pyetje lidhur me këtë incident. Dialo u mbajt nga policia për 36 orë dhe më pas u lirua pasi u shpall e pafajshme.

Sipas disa lojtareve të PSG, futbollistja ka komunikuar shpesh me Abidal pas atentatit. Tani priten të reja në zhvillim, por përfshirja e një figure si francezi në këto lloj skandalesh, ka tronditur botën e futbollit.