Është mbyllur në barazim pa gola pjesa e parë mes Shqipërisë dhe Andorrës. Një lojë e lexueshme për kuqezinjtë në fraksionin e parë të lojës duke mos bërë diferencën ndaj një kundërshtari në letër më të dobët.
Rastin e parë të rrezikshëm e kanë pasur miqtë në minutën e 14-të. Ramadani gabon gjithçka para zonës duke i dhuruar topin Martinez, ky i fundit gjuan menjëherë drejt portës dhe Strakosha detyrohet të bëjë një devijim spektakolar për të shpëtuar Shqipërinë nga goli i parë.
Nga ana tjetër Shqipëria u mundua të përgjigjej me anë të Seferit. Por gjuajtja e sulmuesit është shumë e lehtë dhe portieri kontrollon me lehtësi.
Ndërkohë në minutën e 30-të, pas një goditje dënimi të Andorrës, Jovera me kokë vë në provë reflekset e Strakoshës.
Në minutat e fundit të pjesës së parë loja u bë më e hapur me të dyja ekipet që krijuan raste për gol.
Kuqezinjte krijojne disa raste të mira fillimisht me anë të Uzunit në minutën e 40-të. Laçi me kokë gjuan para portierit dhe ky i fundit lë topin para zonës, Uzuni vjen por nuk kalon përsëri sferën në rrjetë.
Pak më momente më vonë vjen edhe shtylla e Roshit. Pas një harkimi të Hoxhallarit, Roshi në shtyllën e dytë devijon topin, por godet shtyllën e portës kundërshtare.
