Një 32-vjeçar i shpallur në kërkim për kultivim të bimëve narkotike, u arrestua në Shkodër.
Në pranga u vu Leonard Ndoja.
“Specialistët për Hetimin e Krimit në Komisariatin e Policisë Shkodër, në bashkëpunim me Forcën e Posaçme ‘Shqiponja’ të DVP Shkodër, bazuar në informacionet e marra në rrugë operative, kanë bërë lokalizimin e vendndodhjes, kapjen dhe ndalimin e shtetasit Leonard Ndoja, 32 vjeç, banues në lagjen ‘Partizani’”, njoftoi policia.
Gjykata e Shkallës së Parë Shkodër, më datë 20.12.2020, i ka caktuar të riut masën e sigurimit personal në mungesë “arrest në burg” për veprën penale “Kultivimi i bimëve narkotike”.
