Itali, shpëtohen më shumë se 500 emigrantë në jug të vendit

Sipas medias lokale, autoritetet italiane shpëtuan mbi 500 emigrantë në ujërat e brigjeve kalabreze.

”Gjatë natës, rreth 300 egjiptianë dhe sirianë mbetën në det të hapur, pas përmbysjes së varkës së tyre”, njoftoi agjencia italiane e lajmeve ANSA.

”Roja Bregdetare i shpëtoi, duke i nxjerrë në breg në portin e Roccella Ionica, ku morën trajtim të mëtejshëm në një qendër pritjeje”, shtoi ajo.

Po ashtu Policia Financiare shpëtoi më shumë se 200 burra dhe të mitur të pashoqëruar, kryesisht nga Egjipti dhe Siria.

LEXO EDHE  Ashpërsohen rregullat për udhëtim drejt SHBA-ve

Roccella Ionica ka përjetuar kohët e fundit ka parë një rritje të numrit të emigrantëve që vijnë me anije.

Në media rajoni tashmë është quajtur “Lampedusa e re”.

Rreth 57 500 migrantë kanë mbërritur në Itali këtë vit. Në periudhën korresponduese të vitit të kaluar, numri ishte rreth 31 200.

Qeveria italiane i ka kërkuar vazhdimisht Bashkimit Evropian ndihmë për shpërndarjen e emigrantëve në vendet e tjera të bllokut.