Prurja e re në qeverinë ‘Rama III’ duket se do të zhdukë të sfu,ojë bëmat e Elisa Spiropalit dhe Petro Koçit, si dhe do të bëjë të harrohet ish-deputeten e famshme të opozitës që fliste për ‘Koorporatat’ në parlament, apo kolegun e saj të njohur si ‘Kaçurrelsi’.
I janë dashur më pak se dy javë Ministres së Bujqësisë Frida Krifca, për të lëshuar dy ‘perla’ që po habisin të madh e të vogël, a thua vallë sot shqiptarët por edhe bota po fillojnë të njohin për herë të parë bujqësinë.
Pas deklaratës për ngritjen e ‘Akademisë së Barinjve’, Krifca këtë herë ka lëshuar një tjetër ‘perlë’, ngritjen e ‘Tregut online’ për fermerët.
“400 milion lekë mbështetje për START UP-e për bujqësinë. Sërish për të rinjtë 200 milion lekë për të rinjtë në formën e mbështetjeve të granteve. Krahas fondeve prej 5 milion euro. Do trajnojmë stafin e arebeve, specifikisht trajnim 1150 gra fermerë do trajnohen. Do ngremë zyrën e eksporteve në ministrinë e bujqësisë dhe zhvillimit rural. Në shërbim edhe të digjitalizimit të bujqësisë do të ngremë një treg online për fermerët dhe grumbulluesit. Qëllimi rritja e aksesit eficentë drejt tregjeve. Një aspekt tjetër ka të bëjë me investimet në infrastrukturën e ujitjes dhe kullimit e mbrojtjes nga përmbytja. Duhet të garantojmë prodhimin cilësor vendas, në këtë aspekt përgjegjësia është jo vetëm e ministrisë por edhe e prodhuesve e bizneseve,” tha Krifca.
