Ndaj Anglisë të gjithë e prisnim në fushë, kishte probleme fizike siç konfirmuan nga kombëtarja dhe tani as ndaj Andorras sulmuesi Armando Broja nuk mundi të vinte për të luajtur.
Kombëtarja kuqezi po vuan ndoshta mungesën e tij teksa sulmuesi i talentuar kuqezi nuk mund të mungojë në një ndeshje të tillë të paktën me një mesazh.
Në profilin e tij në Instagram, Broja ka mesazh për tifozët dhe për shokët e skuadrës në këtë ndeshje të fundit…
“I uroj çunave suksese sonte! Një urim të veçantë e kam për të gjithë Tifozat Kuq e Zi për mbështetjen e madhe që na jepni gjithmonë. Të luftojmë për flamurin tonë, ne jemi Kuq e Zi, ne jemi Shqipëria. Forca”, ishte mesazhi inkurajues nga Broja i cili do ta ndjekë nga larg kombëtaren.
