Deputetja e Elbasanit, Zheni Gjergji ka reaguar në lidhje me buxhetin e qeverisë për arsimin.
Sipas, Gjergji arsimtarët po mashtrohen me buxhetin, ndërsa tha se në Belsh mësuesit janë akoma pa u paguar për transportin.
“Ironia vazhdon ende. Kryeministri propagandon buxhetin për vitin 2022 me shifra marramendëse, por ndërkohë faktet flasin. Sot, në datë 14.11.2021, arsimtarët e ZVAP Belsh vazhdojnë të papaguara për transportin e muajve Maj, Qershor, Shtator e Tetor”, shkroi në një reagim në rrjetet sociale.
Deputetja solli dhe një kronikë të një mediaje lokale muajin e kaluar, që raportonte se mësuesit e Belshit s’ishin paguar.
“Kjo është deklarata e bërë më datë 07.10.2021 nga drejtori i ZVA, Belsh, ku premton që mësuesit do të marrin paratë e transportit brenda këtij muaj. Pagesa ende nuk është bërë e qeveria urdhëron që mësuesit të mbahen në qetësi e të mos flasin”, shprehet ajo.
