E pabesueshme/ Familja italiane vuan nga një sindromë e rrallë, nuk ndien asnjë dhimbje

Dhimbja kronike prek miliona njerëz, të cilët jo vetëm që vuajnë, por edhe rrezikojnë të bëhen të varur nga ilaçet  që përdoren për ta trajtuar atë. Një raport i ri për gjashtë anëtarë të një familjeje italiane prej tre brezash, të cilët nuk ndjejnë djegie, thyerje kockash, madje edhe ekstraktet e specit djegës të vendosur në lëkurën e shpuar.

Pra anëtarët e familjes Marsili nuk ndjejnë pothuajse asnjë dhimbje fizike.

Sipas Letizia Marsili, ajo filloi të vinte re se nuk ndjente shumë dhimbje që në fëmijëri, madje më vonë kolegët e quanin ‘supergrua’. Kishte disa raste në familjen e tyre kur dikush thyente një kockë dhe as që e kuptonte. Madje kjo i ndodhi nënës së moshuar.

Vetë Letizia një herë e ndrydhi kyçin e këmbës gjatë një pushimi dimëror dhe eci pa asnjë problem me një këmbë të fryrë për 2 javët e mbetura të udhëtimit. Djali i saj Bernardo një herë ra nga një biçikletë dhe theu krahun, por as që e vuri re. Motra e Letizias, Maria, e ka djegur veten me pije të nxehta disa herë dhe as që e ka vënë re.”’Ne në fakt ndjejmë dhimbje, por ajo zgjat vetëm disa sekonda”, thotë njëra prej tyre.

LEXO EDHE  Studimi: Njerëzit që kanë kaluar COVID mund të mos kenë mbrojtje ndaj variantit të ri

Shkencëtarët u interesuan për këtë fenomen. Gjatë kërkimit të tyre, ata zbuluan një mutacion në gjenin ZFHX2. Dr. James Cox nga University College London thotë se sistemi nervor i anëtarëve të kësaj familjeje reagon në një mënyrë që nuk ngjan me ato të gjithë njerëzve të tjerë.

“’Nëse ne zbulojmë arsyen e mungesës së dhimbjes, atëherë ndoshta kjo do të na ndihmojë të krijojmë një brez të ri ilaçesh kundër dhimbjes”, -thotë Cox.