E infektuar me Covid, humb jetën në moshën 40 vjeçe arsimtarja

Mësuesja e një shkolle në Elbasan, për fëmijë me aftësi ndryshe, ka humbur jetën pas infektimit me koronavirus.

Vetë institucioni ka njoftuar lajmin për ndarjen nga jetë të mësueses Blerina Lamçja, në moshën 40-vjeçare.

Lidhur me lajmin reagoi edhe ministrja e Arsimit. Në mesazhin ngushëllues, Evis Kushi bëri apel për tu vaksinuar.

“Jam shumë e hidhëruar për ndarjen nga jeta të mësueses Blerina Lamçja (Hoxholli) në shkollën speciale “Zëra Jete” në Elbasan. Blerina e humbi betejën me Covid-19 në moshën 40-vjeçare, duke lënë pas trishtim jo vetëm tek familja e saj, kolegët dhe miqtë që e kanë njohur nga afër, por edhe nxënësit e shkollës, për të cilët Blerina punonte me aq shumë përkushtim e dashuri. Ky lajm duhet të na ndërgjegjësojë të gjithëve që rreziku nga virusi është ende mes nesh, prandaj shërben si një apel i fortë që të mos i neglizhojmë për asnjë moment vaksinimin dhe respektimin e protokolleve shëndetësore”, shkroi Kushi në një postim në rrjetet sociale.

LEXO EDHE  VIDEO/ Aksidenti me viktima dhe të plagosur, publikohen pamjet e para