Saimir Toska është personi i arrestuar ditën e djeshme nga Policia, për gërmime në Zharrëz. Ai u akuzua se ka shpërdoruar tokën për të ndërtuar në mënyrë të paligjshme, gjë që sipas bluve, ka sjellë prishjen e strukturës së tokës.
Por vëllai i 39-vjeçarit, Admir Toska thotë se ata kanë qenë në tokën e tyre dhe për këtë arsye nuk kanë marrë leje te organet kompetente.
Ai thotë se persona të tjerë që nuk janë në tokën e tyre, e shfrytëzojnë atë, ndërsa vëllai i tij që është në tokën e tij ndalohet nga policia.
“Po gërmonte dhe te toka e tij. Të tjerët gërmojnë atje po nuk i tha gjë njeri. Këtu ka 7 vite që nuk kemi gërmuar, vetëm pardje kemi gërmuar. Ne kërkojmë drejtësi se vetëm te ne bëhet kjo”, tha i vëllai për gazetarët.
I arrestuari një ditë më parë nga policia Saimir Toska, akuzohet për tre vepra penale “Shpërdorim i tokës”, “Ndërtimi i paligjshëm” dhe “Shkatërrimi i pronës me mjete të tjera”.
Lexo edhe:
*Gërmonte në Zharrëz, arrestohet 39-vjeçari
*Pas arrestimit të 39-vjeçarit që gërmonte në Zharrëz, procedohen 4 zyrtarë lokalë
