Dy persona janë ekzekutuar mbrëmjen e sotme në Tiranë. Ngjarja ka ndodhur në zonën e Astirit, ndërsa ndaj një automjeti tip Audi është qëlluar me armë zjarri nga një tjetër automjet.
Atentati ka ndodhur teksa dy makinat ishin në lëvizje. Dyshimet e para janë se ndaj automjetit ku lëviznin dy viktimat mund të jetë qëlluar me armë silenciator.
Policia ende nuk ka dhënë emrat e viktimave, ndërsa dyshohet se njëri prej tyre është person me precedent penal, i përfshirë në një ngjarje në jug të vendit. Gjithsesi nuk ka ende një informacion zyrtar, ndërsa burimet shprehen se viktimat janë të moshës 30-35 vjeç.
Nga raportimet mësohet se policia ka nisur hetimet, ndërsa po kqyren kamerat e sigurisë.
