Deputetja gjermane: Kosovarët të vetmit pa liberalizim vizash, kjo s’duket logjike

Deputetja e Bundestagut, Renata Alt, në një intervistë për Gazetën Express ka folur edhe për punën e liberalizimit të vizave për kosovarët.

Alt ka thënë se nuk është logjike që kosovarët të mos kenë të drejtë të lëvizin pa viza në Schengen bazuar në atë që është konfirmuar disa herë që Kosova ka plotësuar kushtet për liberalizim të vizave.

“Kosovarët janë shtetasit e vetëm të Ballkanit Perëndimor që kanë ende nevojë për një vizë për të hyrë në zonën Shengen. Kjo nuk duket logjike në dritën e faktit se Komisioni – me mbështetjen e Parlamentit – ka konfirmuar disa herë që nga korriku i vitit 2018 se Kosova i përmbush të gjitha kushtet për liberalizimin e vizave”, ka thënë Alt, raporton Express.

LEXO EDHE  10 raste të reja me koronavirus në Kosovë, asnjë humbje jete

Ajo tutje thotë se fakti që BE-ja ka premtuar liberalizimin dhe refuzimi që bëhet nga Këshilli e rrit zhgënjimin për kosovarët dhe mosbesimin ndaj Evropës.

“Fakti që kjo është premtuar për kaq gjatë dhe Këshilli refuzon ta japë dritën e gjelbër e shton zhgënjimin në anën e Kosovës dhe mosbesimin ndaj BE-së. Ajo gjithashtu nuk e forcon besueshmërinë e BE-së në rajon”, ka thënë Alt.